Policia italiane ka zbardhur ngjarjen e ndodhur një javë më parë, kur lojtari shqiptar Aldi Shpijati, u plagos me thikë nga dy persona.
Policia ka bërë të ditur se ka arrestuar dy shtetas italianë, përkatësisht 20 dhe 36 vjeç, me akuzën e tentativës për vrasje.
Kështu, në pranga janë vënë Yuri Margini, 20 vjeç, nga Castelnovo Monti, rezident në Viano, autor i goditjeve me thikë, arrestuar në Scandiano të enjten; tjetri është Emilio Finizio, 36 vjeç, me origjinë nga Sassuolo e rezident në Viano, arrestuar mbrëmë në Genova. Të dy do të jepnin një koncert në mbrëmje në Torino.
Nga sa raportohet dy personat e arrestuar janë të dy këngëtarë të muzikës rap në Itali, një prej të cilëve me nofkën “Malakarne”. Provat e gjetura në shtëpi, si rrobat e përgjakura pas ngjarjes, ndërsa në fakt ishte 20-vjeçari Juri Marxhini ai që kishte goditur me thikë futbollistin shqiptar, i kanë fundosur shtetasit italianë.
Shpijati u godit me thikë një javë më parë në stacionin e trenit në Scandiano, pas një grindjeje për motive të dobëta me të arrestuarit.
Shqiptari 20-vjeçar ndërhyri në mbrojtje të një shoku që i kishin vënë thikën në fyt.